Azərbaycan ümumtəhsil məktəblərində inklüziv pedaqogika təcrübəsi

ADA Universitetində “İşıq” Təhsil İşçilərinin İnkişafına Dəstək ictimai birliyinin təsisçisi Aynurə Abdullayevanın “Azərbaycan ümumtəhsil məktəblərində inklüziv pedaqogika təcrübəsi”nə dair tədqiqatının müzakirəsi təşkil edilmişdir. Müzakirə zamanı iştirakçılar inklüziv pedaqogika və onun məktəblərdə tətbiqi səviyyəsi haqqında məlumatlandırılmış və sonda sual-cavab sessiyası təşkil edilmişdir. Dəvət üçün ADA Universitetinin Təhsil Departamentinə dərin təşəkkürümüzü bildiririk.

Yeni layihə: "Müəllimlər otağı" podkastı

Əziz müəllimlər, “Müəllimlər otağı” podkastı sizin haqqınızda və sizin üçündür. “Müəllimlər otağı” – müəllimlərin peşəkar həyatına işıq tutmaq üçün hazırlanmışdır. Buraxılışlarda müəllimlərlə, təhsillə bağlı mövzular müzakirə ediləcəkdir. “Müəllimlər otağı” podkastı “İşıq” Təhsil İşçilərinin İnkişafına Dəstək ictimai birliyi və “Edumap” təhsil platformasının birgə əməkdaşlığı nəticəsində ərsəyə gəlməkdədir. Bizi Youtube-da, həmçinin Spotify for podcasters tətbiqini yükləməklə dinləyə biləcəksiniz.

Azərbaycan Müəllimlərinin XVI Qurultayı keçirilmişdir.

“İşıq” Təhsil İşçilərinin İnkişafına Dəstək ictimai birliyi 15-16 dekabr 2023-cü il tarixlərdə Azərbaycan Müəllimlərinin XVI Qurultayında iştirak etmişdir. Qurultayda təhsil və müəllimlər üçün əhəmiyyətli məsələlər müzakirə olunmaqla, müəllim hazırlığı və müəllimlərin peşəkar inkişafı, elm və ali təhsilin inteqrasiyası, peşə təhsili və gələcək üçün bacarıqlar və bu kimi digər mövzulara dair mütəxəssislərin iştirakı ilə panel müzakirələr təşkil olunmuşdur.

"İŞIQ" İB "Layihənin idarə edilməsinin əsasları" təlimində iştirak etmişdir

“İşıq” Təhsil İşçilərinin İnkişafına Dəstək ictimai birliyi 20 və 22 noyabr, 2023-cü il tarixlərində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və ADA Universiteti İnkişaf və Diplomatiya İnstitutunun təşkilatçılığı ilə 100-ə yaxın yeni yaranmış təşkilatla birlikdə “Layihənin idarə edilməsinin əsasları” təliminində iştirak etmişdir.

"İŞIQ" İB "Rəqəmsal bacarıqlar" təlimində iştirak etmişdir

“İşıq” Təhsil İşçilərinin İnkişafına Dəstək ictimai birliyi 20-21 noyabr 2023-cü il tarixlərdə Gürcüstanın paytaxtı Tbilisi şəhərində Avropa ittifaqının “Şərq Tərəfdaşlığı” proqramı çərçivəsində vətəndaş cəmiyyəti təşkilatları üçün təşkil edilmiş iki günlük “Rəqəmsal bacarıqlar” təlimində iştirak etmişdir.

"Müəllimlər Klubu" fəaliyyətə başladı

“İşıq” Təhsil İşçilərinin İnkişafına Dəstək ictimai birliyinin dəstəyi ilə "Gələcəyini Qur" Gəncliyə Dəstək Layihəsi tərəfindən müəllimlik ixtisasında təhsil alan və bitirmiş, müəllim kimi fəaliyyət göstərən layihə məzunları üçün “Müəllimlər Klubu” təsi

"İŞIQ" İB yeni layihəyə hazırlaşır

"İŞIQ" İB Tadamon Kraudfandinq Akademiyasının təşkilatçılığı, BMT-nin İnkişaf Proqramının və İslam İnkişaf Bankının dəstəyi ilə təşkilati potensialın artırılması məqsədilə təşkil edilən təlimlərdə iştirak etmişdir.

Dəyərlərimiz

İnklüzivlik

İnklüzivlik, ayrıseçkilik olmadan hər bir şəxsin fərqlilikləri ilə birlikdə cəmiyyətdə və təşkilatlarda qəbul edildiyi və dəyər verildiyi bir münasibəti ifadə edir.

Bərabərlik

Bərabərlik, hər bir fərdin, cəmiyyətin və ya qurumun bərabər hüquqlara, imkanlara və dəyərlərə malik olması prinsipidir.

Güvən

Güvən, bir şəxsin və ya qurumun başqa bir şəxsə və ya quruma, habelə qurumdaxili münasibətlərə inamı, etimadıdır.

Peşəkarlıq

Peşəkarlıq, müəyyən bir peşə, iş və ya sahə daxilində yüksək səviyyədə bilik, bacarıq, nizam-intizam və məsuliyyətlə hərəkət etməkdir.

Əməkdaşlıq

Əməkdaşlıq, ümumi məqsədlərə nail olmaq üçün fərdlər, qruplar və ya təşkilatlar arasında qurulan əlaqələrdir. Əməkdaşlığa inanır və bütün mümkün vəziyyətlərdə onu dəstəkləyirik.